Монголын стартапуудын амжилтанд хүрэх замыг товчлох зорилготойгоор байгуулагдсан “MStars Hub” нь олон улсын “GAN” нэгдлийн албан ёсны гишүүн юм. Ингэснээр “MStars Hub” нь сонгогдсон стартапуудыг хурдасгуур хөтөлбөртөө хамруулан, дотоодын болон гадаадын 7000 гаруй шилдэг менторуудын тусламжтайгаар бизнесийг нь чиглүүлж, үйл ажиллагаагаа явуулахад зайлшгүй хэрэгцээтэй хөнгөлөлт, үйлчилгээний эрхүүдийг олгох юм. Үүгээр зогсохгүй стартапуудаа дэлхийн 120 хотод түр оффисоор хангах боломжтой боллоо.
Өнөөдрийн уулзалтаар “GAN” нэгдлийн зүгээс Монголын стартапууд олон улсын сүлжээнд нэвтэрч, бизнесийнхээ өсөлтөд шаардлагатай хөнгөлөлт, эрхүүдийг авах болсонд таатай байна гэдгээ илэрхийллээ.
Мөн нэмээд “MStars Hub”-ийн зүгээс М-Си-Эс групп болон бусад түнш байгууллагуудын үйлчилгээний эрх, хөнгөлөлтүүдийг сонгогдсон стартап бүртээ олгох болно.